Aron Pálmarsson er vongóður um að geta leikið með íslenska landsliðinu gegn Eistlendingum í undankeppni EM á laugardaginn. Aron er í íslenska landsliðshópnum sem hélt af landi brott snemma í morgun áleiðis til Tallin í Eistlandi.
Aron tók ekki þátt í stórsigrinum á Ísrael í gærkvöld, 36:21. Hann sagði við handbolta.is á Ásvöllum í gærkvöld að hann gerði sér vonir um að verða með á laugardaginn. Aron fékk slæmt tak í bakið eftir um 10 mínútur í viðureign Aalborg og Pick Szeged í Meistaradeildinni fyrir viku.
Viðureign Eistlendinga og Íslendinga hefst klukkan 16.10 á laugardaginn í Kalevi Spordihall í Tallin.
Eistland tapaði í gær fyrir Tékklandi í 3. riðli undankeppninnar, 31:23, í Ostrava Poruba í Tékklandi.
- Auglýsing -