- Auglýsing -
- Kyndill, liðið sem Jakob Lárusson þjálfar, er eitt í efsta sæti færeysku úrvalsdeildarinnar í handknattleik með níu stig eftir fimm leiki. Kyndill vann VÍF í Vestmanna í gær, 35:25. Turið Arge Samuelsen, fyrrverandi leikmaður Hauka, skoraði 13 mörk fyrir Kyndil. Stjørnan er í öðru sæti með átta stig og ríkjandi meistarar H71 er í þriðja sæti með sjö stig en á leik til góða. H71 lék í Evrópubikarkeppninni um helgina og komst áfram eftir tvo sigurleiki á Ferlach frá Austurríki.
- Jim Gottfridsson skoraði fimm mörk fyrir Evrópumeistara Svíþjóðar þegar þeir unnu heimsmeistara Dana, 34:32, í Evrópubikarkeppninni í handknattleik í Scandinavium íþróttahöllinni í Gautaborg í gær. Jafnt var í hálfleik, 17:17, í hreint frábærum handboltaleik þar sem liðin sýndu flestar sínar bestu hliðar. Hampus Wanne, Albin Lagergren og Lucas Pellas skoruðu fjögur mörk hver fyrir Svía. Simon Pytlick og Mikkel Hansen voru markahæstir í danska landsliðinu með sex mörk hvor. Mathas Gidsel skoraði fjórum sinnum.
- Gidsel meiddist á hendi í leiknum eftir að hann lenti í samstuði við Gottfridsson. Ekki var ljóst í gærkvöld hvort meiðslin eru alvarleg.
- Spænski handknattleiksþjálfarinn David Davis tekur síðar í þessum mánuði við þjálfun Al Ahly SC. Davis hætti í sumar hjá Vardar eftir að liðinu var neitað um sæti í Meistaradeild Evrópu vegna ógreiddra skulda. Áður var Davis þjálfari hjá Veszprém í Ungverjalandi.
- Auglýsing -
