- Auglýsing -
Í tilefni af Bleikum október ætlar handknattleiksdeild ÍBV að leggja sitt af mörkum til málefnisins. Tækifærið verður notað á morgun, miðvikudag, þegar ÍBV og Valur mætast, í Olísdeild kvenna í íþróttamiðstöðinni í Vestmannaeyjum í fjórðu umferð Olísdeildar kvenna í handknattleik. Bleiki leikurinn hefst klukkan 18.
„Við viljum leggja okkar af mörkum og verður leikurinn því styrktarleikur,“ segir m.a. í tilkynningu frá handknattleiksdeild ÍBV.
„Fólk getur lagt fram frjáls framlög (peningur eða kort) við innganginn og mun allur ágóði miðasölu renna til Krabbavörn Vestmannaeyja. Fulltrúar frá þeim verða einnig með sölubás í anddyri hússins.“
Eru Eyjamenn, og aðrir þeir sem verða staddir á Heimaey á morgun, hvattir til að mæta og slá tvær flugur í einu höggi, styðja mikilvægt málefni sem snertir okkur flest og sjá úrvals handboltaleik á milli tveggja af bestu kvennaliðum landsins.
- Auglýsing -
