- Auglýsing -
Christoffer Brännberger, leikmaður sænska úrvalsdeildarliðsins Önnereds, hefur verið úrskurðaður í 11 leikja bann fyrir að slá leikmann Malmö í hálsinn í kappleik á dögunum. Brännberger stóð í vörn og sló með krepptum hnefa í háls sóknarmanns Malmö sem kom á hlaupum fyrir framan vörn Önnereds á leið sinni úr hægra horni og inn á línu. Atvikið sést vel á sjónvarpsupptöku neðst í þessari frétt.
Ljóst er að með úrskurði sínum sendir aganefnd sænska handknattleikssambandsins skýr skilaboð um að varnarleikur með útréttum og krepptum hnefa verður ekki tekið af léttúð.
Í síðustu viku fékk Úlfur Gunnar Kjartansson leikmaður ÍR þriggja leikja bann fyrir að verjast með krepptum hnefa í leik við KA. Þótti mörgum Úlfur Gunnar hart leikinn með úrskurði aganefndar.
The Swedish line player of the Swedish League club Önnereds HK, Christoffer Brännberger, has been banned for 11(!) matches after this tackle.#handball https://t.co/4hNTjATHIL
— Rasmus Boysen (@RasmusBoysen92) October 18, 2022
- Auglýsing -
