handbolti.is – 15 mest lesnu greinarnar

Nú þegar árið er brátt á enda þykir víða við hæfi að rifja upp það sem er minnisvert frá þeim dögum sem liðnir eru og eru markaðir ártali sem rennur sitt skeið á enda eftir örfáa daga. Handbolti.is á sér ekki langa sögu frá árinu 2020. Vefurinn var opnaður fimmtudaginn 3. september og á þar af leiðandi aðeins sögu frá síðustu fjórum mánuðum. Viðtökur hafa verið frábærar. Á þeim tíma hefur handknattleikur aðeins verið stundaður hér á landi af einhverjum mætti í um mánuð. Það þýðir þó ekki að setið hafi verið með hendur í skauti á ritstjórninni. Birtar hafa verið um 1.500 greinar, lengri sem styttri.

Í tilefni af greinunum 1.500 er við hæfi að taka saman og birta hér fyrir neðan þær 15 sem hafa fengið flestar heimsóknir á þeim fjórum mánuðum sem handbolti.is hefur verið í loftinu.