Selfyssingar fóru með stigin úr Skógarseli – Rasimas frábær

Selfoss fór upp að hlið Fram og Aftureldingar í annað til fjórða sæti Olísdeildar karla í kvöld með níu stig eftir að hafa kjöldregið leikmenn ÍR í viðureign liðanna í 7. umferð í Skógarseli í kvöld, 35:26. Mestur varð munurinn 13 mörk og virtist um skeið sem ÍR-ingum ætlaði að falla allur ketill í eld í kjölfar afar slaks leik lengi fram eftir síðari hálfleik.

Selfoss var fjórum mörkum yfir í hálfleik, 17:13. Kröftugur leikur Selfossliðsins á fyrstu tíu mínútum síðari hálfleiks gerði út um allar vonir ÍR-inga sem eru næst neðstir í deildinni með fjögur stig.

Vilius Rasmias átti frábæran leik í marki Selfoss í þær 50 mínútur sem hann stóð vaktina. Hann gerði leikmönnum ÍR gramt í geði hvað eftir annað.

ÍR-ingar byrjuðu leikinn vel. Þeir skoruðu tvö fyrstu mörkin og þrjú af fyrstu fjórum. Eftir það tók að halla undan fæti. Selfoss jók forskot sitt jafnt og þétt, ekki síst hjálpaði mikið til að Rasimas varði vel meðan fátt var um markvörslu hinum megin vallarins.
Eftir um tíu mínútur í síðari hálfleik var forskot Selfoss komið í 10 mörk, 26:16, og úrslitin því ráðin.

Mörk ÍR: Arnar Freyr Guðmundson 8/1, Dagur Sverrir Kristjánsson 4/1, Friðrik Hólm Jónson 3, Róbert Snær Örvarssson 2, Bjarki Steinn Þórisson 2, Hrannar Ingi Jóhannsson 2, Sveinn Brynjar Agnarsson 2, Bergþór Róbertsson 1, Eyþór Ari Waage 1, Markús Björnsson 1.
Varin skot: Ólafur Rafn Gíslason 4, 12,1% – Rökkvi Pacheco Steinunnarson 4, 40%.
Mörk Selfoss: Atli Ævar Ingólfsson 7, Ísak Gústafsson 6, Einar Sverrisson 5/2, Richard Sæþór Sigurðsson 4, Guðjón Baldur Ómarsson 3, Hannes Höskuldsson 3, Tryggvi Sigurberg Traustason 2, Sverrir Pálsson 2, Karolis Stropus 2, Guðmundur Hólmar Helgason 1.
Varin skot: Vilius Rasimas 14/1, 45,2% – Jón Þórarinn Þorsteinsson 3, 25%.

Staðan í Olísdeild karla:

Handbolti.is fylgdist með leiknum í textalýsingu hér fyrir neðan.