KA/Þór sækir ÍBV heim

Aðeins ein rimma verður á milli liða úr Olísdeild kvenna í 16-liða úrslitum bikarkeppni kvenna en dregið var í hádeginu. Olísdeildarlið ÍBV og KA/Þór drógust saman og hlaut ÍBV heimaleikjarétt. Viðureignin verður annað hvort þriðjudaginn 15. nóvember eða daginn eftir.

Bikarmeistarar Vals og Íslandsmeistarar Fram sátu hjá en mæta til leiks í átta liða úrslitum.

Eftirtalin lið mætast:
Víkingur – Fjölnir/Fylkir.
ÍR – HK.
ÍBV – KA/Þór.
Afturelding – Stjarnan.
FH – Selfoss.
Grótta – Haukar.

Leikirnir eiga að fara fram þriðjudaginn 15. og miðvikudaginn 16. nóvember. Staðfest leikjadagskrá verður væntanlega birt síðar í dag.

Handbolti.is fylgdist með í textalýsingu þegar dregið var í hádeginu.