Fanney Þóra Þórsdóttir og Ásbjörn Friðriksson voru valin handknattleiksfólk ársins hjá FH. Þau tóku við viðurkenningum sínum á uppskeruhófi FH sem haldið var á síðasta degi síðasta árs.
Fanney Þóra var fyrirliði FH á síðasta keppnistímabili þegar liðið hafnaði í þriðja sæti í Grill 66-deild kvenna og lék í undanúrslitum um sæti í Olísdeildinni. Fanney Þóra er í fæðingarorlofi og hefur þar af leiðandi ekki leikið með FH-liðinu á yfirstandandi leiktíð.
Ásbjörn var burðarás FH-liðsins í Olísdeild karla og í bikarkeppninni en FH komst í undanúrslit í báðum mótum á fyrri hluta nýliðins árs. Einnig var og er Ásbjörn aðstoðarþjálfari FH. Nú þegar keppni í Olísdeild karla er um það bil hálfnuð er FH í öðru sæti Olísdeildar.
Hér má lesa nánar um Fanneyju og Ásbjörn
