Átta leikir fara fram á heimsmeistaramótinu í handknattleik karla í Svíþjóð og Póllandi í kvöld þegar keppni hefst í E, F, G og H-riðlum. Alfreð Gíslason og liðsmenn hans í þýska landsliðinu hefja leik í Katowice í Póllandi klukkan 17 í E-riðli þegar þeir mæta Asíumeisturum Katar. Í hinni viðureign riðilsins eigast við Serbar, sem líklegir þykja til afreka á mótinu, og Alsírbúar.
Aron Kristjánsson leiðir sína menn í landsliði Barein til leiks í Malmö Arena klukkan 17 í leik við landsliði Túnis. Fljótlega eftir þá viðureign mæta heimsmeistarar Dana út á völlinn og leika við Belga sem nú taka þátt í heimsmeistaramóti karla í handknattleik í fyrsta sinn.
Leikir dagsins á HM
E-riðill (Katowice)
Þýskaland – Katar, kl. 17 – sýndur á RÚV2.
Serbía – Alsír, kl. 19.30.
F-riðill (Kraká)
Argentína – Holland, kl. 17.
Noregur – Norður Makedónía, kl. 19.30.
G-riðill (Jönköping)
Marokkó – Bandaríkin, kl. 17.
Egyptaland – Króatía, kl. 19.30 – sýndur á RÚV2.
H-riðill (Malmö)
Barein – Túnis, kl. 17.
Danmörk – Belgía, 19.30.
Leikjadagskrá, úrslit, staða í öllum riðlum.
