HK treysti stöðu sína í efsta sæti Grill 66-deildar karla í handknattleik í dag með öruggum 12 marka sigri á neðsta liði deildarinnar, Kórdrengjum, 34:22, á Ásvöllum. HK-ingar voru átta mörkum yfir að loknum fyrri hálfleik, 17:9, og hafði auk þess talsverða yfirburði í leiknum frá fyrstu mínútu til hinnar síðustu.
HK hefur ekki tapað leik fram til þessa í deildinni, er með 19 stig eftir 10 leiki. Kórdrengir eru áfram stigalausir í neðsta sæti. Þeir ná vonandi að bíta í skjaldarrendur og krækja í einhver stig á næstu vikum.
Mörk Kórdrengja: Egidijus Mikalonis 5, Gunnar Valur Arason 4, Þorlákur S. Sigurjónsson 4, Tómas Helgi Wehmeier 3, Logi Aronsson 2, Hrannar Máni Gestsson 1, Ragnar Áki Ragnarsson 1, Arne Karl Wehmeier 1, Guðmundur Rögnvaldsson 1.
Varin skot: Birkir Fannar Bragason 8, Viktor Bjarki Ómarsson 6.
Mörk HK: Símon Michael Guðjónsson 8, Hafsteinn Óli Berg Ramos Rocha 6, Kristófer Ísak Bárðarson 4, Aron Gauti Óskarsson 4, Sigurður Jefferson Guarino 3, Kristján Ottó Hjálmsson 3, Júlíus Flosason 2, Benedikt Þorsteinsson 2, Arnór Róbertsson 1, Hjörtur Ingi Halldórsson 1.
Varin skot: Sigurjón Guðmundsson 10, Sigurjón Guðmundsson 7.
Staðan í Grill 66-deild karla.
