Ungmennalið Fram komst upp í þriðja sæti Grill 66-deildar karla í handknattleik í gærkvöld þegar liðið tryggði sér bæði stigin í heimsókn í Origohöllina og mætti ungmennaliðið Vals. Lokatölur 36:33. Fram hefur þar með 13 stig í þriðja sæti og er tveimur stigum á eftir Val sem aðeins hefur tapað tveimur leikjum að þessum meðtöldum. HK er efst sem fyrr.
Valur var tveimur mörkum yfir að loknum fyrri hálfleik, 19:17. Þegar komið var fram undir miðjan síðari hálfleik komst Fram yfir, 28:27. Eftir það var leikurinn í járnum og liðin skiptust á um að vera marki yfir. Síðustu fimm mínúturnar voru Framarar sterkari og tryggðu sér þar með sigurinn.
Mörk Vals U.: Þorgeir Arnarsson 8, Erlendur Guðmundsson 7, Tómas Sigurðarson 5, Áki Hlynur Andrason 4, Daníel Örn Guðmundsson 3, Ísak Logi Einarsson 3, Breki Hrafn Valdimarsson 2, Viktor Andri Jónsson 1.
Varin skot: Stefán Pétursson 19.
Mörk Fram U.: Reynir Þór Stefánsson 9, Arnþór Sævarsson 8, Daníel Stefán Reynisson 5, Eiður Rafn Valsson 5, Kjartan Þór Júlíusson 4, Stefán Orri Arnalds 2, Agnar Daði Einarsson 1, Theodór Sigurðsson 1, Tindur Ingólfsson 1.
Varin skot: Breki Hrafn Árnason 6, Arnór Máni Daðason 3.
Staðan í Grill 66-deildunum og næstu leikir.
