Norðmenn leika við Þjóðverja um 5. sætið á heimsmeistaramóti karla í handknattleik á sunnudaginn. Norska landsliðið átti ekki í teljandi vandræðum með ungverska landsliðið í Stokkhólmi í kvöld síðari viðureigninni í krossspilinu um fimmta til áttunda sæti á mótinu.
Lokatölur 33:25 en þriggja marka munur var, 16:13, Noregi í vil að loknum fyrri hálfleik. Ungverjar leika um 7. sæti HM við Egypta.
Þetta verður annað stórmótið í röð sem norska landsliðið leikur um 5. sætið. Á EM í fyrra vann Noregur Ísland í leiknum um fimmta sætið eftir framlengdan viðureign.
Noregur og Þýskaland voru saman í milliriðlakeppni mótsins. Noregur vann leikinn, 28:26. Þjóðverjar geta þar með hefnt sína á sunnudaginn.
Norðmenn náðu að rífa sig upp eftir vonbrigðin í fyrradag þegar þeir töpuðu fyrir Spánverjum í tvíframlengdri viðureign.
Ungverjar virtust ekki vera líklegir í kvöld til þess að velgja norska landsliðinu verulega undir uggum.
Mörk Noregs: Sander Sagosen 7, Sebastian Barthold 4, Sander Øverjordet 4, Petter Øverby 4, Kristian Bjørnsen 3, Gøran Johannessen 3, Harald Reinkind 2, Christian O`Sullivan 2, Kevin Maagero Gulliksen 2, Magnus Abelvik Rød 1, Magnus Gullerud 1.
Ungarn : Mate Lekai 6, Richard Bodo 5, Patrik Ligetvari 4, Pedro Rodriguez Alvarez 3, Adrian Sipos 1, Zoran Ilic 1, Bendeguz Boka 1, Bence Banhidi 1, Gabor Ancsin 1, Szabolcs Szollosi 1, Egon Hanusz 1.
