FH-ingar fóru ekki erindisleysi í heimsókn til Víkinga í Safamýri í kvöld. Leikmenn Hafnarfjarðarliðsins sneru til baka með tvö stig í farteskinu eftir fjögurra marka sigur, 31:27. FH var þremur mörkum yfir í hálfleik og hafði lengst af tögl og hagldir í leiknum.
Hildur Guðjónsdóttir átti stórleik og skoraði 13 mörk fyrir FH.
Þar með munar þremur stigum á FH og Víkingi í fimmta og sjötta sæti deildarinnar. FH er með 10 stig eftir 10 leiki. Víkingar, sem voru að tapa öðrum leik sínum í deildinni á skömmum tíma, hafa sjö stig.
Mörk Víkings: Hafdís Shizuka Iura 7, Auður Brynja Sölvadóttir 5, Ester Inga Ögmundsdóttir 5, Díana Ágústsdóttir 4, Arna Þyrí Ólafsdóttir 3, Berglind Adolfsdóttir 2, Ída Bjarklind Magnúsdóttir 1.
Varin skot: Emelía Dögg Sigmarsdóttir 6, Sara Xiao Reykdal 2.
Mörk FH: Hildur Guðjónsdóttir 13, Emma Havin Sardardóttir 4, Sigrún Jóhannsdóttir 4, Ragnhildur Edda Þórðardóttir 3, Birna Íris Helgadóttir 2, Karen Hrund Logadóttir 2, Selma Þóra Jóhannsdóttir 1, Telma Medos 1, Ivana Meincke 1.
Varin skot: Selma Þóra Jóhannsdóttir 11, Sigurdís Sjöfn Freysdóttir 1.
Staðan í Grill 66-deildunum og næstu leikir.
