Haukar færðust upp í fimmta sæti Olísdeildar kvenna í handknattleik í dag með 11 marka sigri á HK, 32:21, í Kórnum. Haukar hafa þar með 10 stig og færðust upp fyrir KA/Þór sem hefur sama stigafjölda. HK rekur áfram lestina í deildinni með tvö stig eftir 14 leiki en með umferðinni í dag er lokið tveimur þriðju hlutum deildarkeppninnar.
Haukar réðu lögum og lofum á parketinu í Kórnum í dag. Þeir voru sjö mark forskot að loknum fyrri hálfleik, 15:8.
Elín Klara Þorkelsdóttir átti stórleik. Hún skoraði átta mörk í níu skotum auk þess að eiga sex sköpuð færi í sóknarleik Hauka. Til viðbótar átti Elín Klara fimm lögleg stopp í vörninni eins og Sara Odden sem gekk nýverið aftur til liðs við Hauka eftir veru í Þýskalandi.
Mörk HK: Embla Steindórsdóttir 6/2, Sóley Ívarsdóttir 5, Alfa Brá Hagalín 4, Aníta Eik Jónsdóttir 2, Amelía Laufey Gunnarsdóttir 1, Kristín Guðmundsdóttir 1, Katrín Hekla Magnúsdóttir 1, Leandra Náttsól Salvamoser 1.
Varin skot: Ethel Gyða Bjarnasen 8, 33,3% – Margrét Ýr Björnsdóttir 6, 27,3%.
Mörk Hauka: Elín Klara Þorkelsdóttir 8, Sonja Lind Sigsteinsdóttir 4, Natasja Hammer 4, Ragnheiður Sveinsdóttir 4, Ragnheiður Ragnarsdóttir 4, Rakel Oddný Guðmundsdóttir 3, Gunnhildur Pétursdóttir 2/2, Sara Odden 1, Ena Car 1, Birta Lind Jóhannsdóttir 1.
Varin skot: Margrét Einarsdóttir 10, 37% – Elísa Helga Sigurðardóttir 3, 42,9%.
Staðan í Olísdeild kvenna.
