Róbert Aron Hostert, einn aðalmaður Vals, leikur ekki með Íslands- og bikarmeisturum næstu vikurnar og reyndar er alveg óljóst á þessari stundu hversu lengi hann verður frá keppni. Róbert Aron staðfesti við handbolta.is kvöld að hann væri með brjósklos í hálsi og það væri erfitt viðureignar.
Erfitt og sársaukafullt
„Þetta eru mjög erfið meiðsli og sársaukafull og bataferlið er mjög mislangt eftir tilfellum,“ sagði Róbert Aron við handbolta.is sem hefur verið í rannsóknum og skoðunum vegna meiðsla sem hafa verið hrjá hann. Þetta er niðurstaðan.
Meiðslin eru mikið áfall fyrir Valsliðið en ekki síst fyrir Róbert Aron sjálfan. Hann hefur síðustu fjögur ár verið í mjög stóru hlutverki hjá Valsliðinu og átt mjög stóran þátt í afbragðs árangri liðsins sem er Íslands- og bikarmeistari tveggja síðustu keppnistímabila.
Mikið högg
„Þetta er mikið högg fyrir mig en svona er staðan,“ sagði Róbert Aron Hostert handknattleiksmaðurinn öflugi hjá Val við handbolta.is í kvöld.
