Kristján Örn Kristjánsson, Donni, og samherjar í PAUC komust í gærkvöld í undanúrslit frönsku bikarkeppninnar í handknattleik. PAUC vann þá Nimes á heimavelli, 38:34, í átta liða úrslitum. PAUC var einnig með yfirhöndina að loknum fyrri hálfleik, 21:18.
Donni skoraði sex mörk í leiknum, þar af þrjú mörk snemma leiks þegar PAUC-liðið lagði grunn að forskoti sem það hafði nær því allan leikinn.
Montpellier tryggði sér einnig sæti í undanúrslitum bikarkeppninnar í gærkvöld. Montpellier vann St. Raphaël, 39:36.
Í kvöld lýkur átta liða úrslitum með tveimur leikjum. Viktor Gísli Hallgrímsson og samherjar í Nantes mæta Ivry. Ekki er reiknað með að Darri Aronsson leikir með Ivry fyrr en síðar í þessum mánuði.
Chartres tekur á móti PSG í fjórða leik átta liða úrslita.
