U-19 ára landslið kvenna í handknattleik fer til Tékklands í byrjun mars og leikur tvisvar sinnum vð tékkneska landsliðið, 3. og 4. mars í Most. Leikirnir og æfingar í kringum þá eru liður í undirbúningi fyrir þátttöku á Evrópumeistaramótinu sem fram fer í Rúmeníu í sumar. Tékkar verða einnig þátttakendur á Evrópumótinu.
Ágúst Þór Jóhannsson og Árni Stefán Guðjónsson er þjálfarar liðsins. Þeir hafa valið sextán leikmenn til æfinga og þátttöku í leikjunum við Tékka.
Uppstaðan í íslenska landsliðinu er skipuð leikmönnum sem voru í U18 ára landsliðinu sem hafnaði í áttunda sæti á HM í sumar.
Elín Klara Þorkelsdóttir, Haukum, og Lilja Ágústsdóttir eru gjaldgengar í U19 ára landsliðið en taka ekki þátt í leikjunum þar sem þær eru í A-landsliði kvenna sem valið var í gær og verður í eldlínunni á sama tíma í byrjun mars.
Markverðir:
Elísa Helga Sigurðardóttir, Haukum.
Ethel Gyða Bjarnasen, HK.
Aðrir leikmenn:
Alfa Brá Oddsdóttir Hagalín, HK.
Aníta Eik Jónsdóttir, HK.
Brynja Katrín Benediktsdóttir, Val.
Elísa Elíasdóttir, ÍBV.
Embla Steindórsdóttir, HK.
Hildur Lilja Jónsdóttir, KA/Þór.
Inga Dís Jóhannsdóttir, HK.
Katrín Anna Ásmundsdóttir, Gróttu.
Rakel Oddný Guðmundsdóttir, Haukum.
Sara Dröfn Ríkharðsdóttir, ÍBV.
Sonja Lind Sigsteinsdóttir, Haukum.
Sylvía Sigríður Jónsdóttir, ÍR.
Thelma Melsteð Björgvinsdóttir, Haukum.
Valgerður Arnalds, Fram.
