Síðasti leikur átta liða úrslita Powerade-bikars karla (bikarkeppni HSÍ) fer fram í kvöld. Um sannkallaðan stórleik er að ræða í TM-höllinni. Bikarmeistarar Vals sækja Stjörnuna heim. Liðin eru í fyrsta og fjórða sæti deildarinnar. Flautað verður til leiks klukkan 19.30. Bitist verður um síðasta lausa sætið í undanúrslitum keppninnar.
Afturelding, Fram og Haukar eru þegar komin í undanúrslit keppninnar sem leikin verða fimmtudaginn 16. mars.
Til viðbótar verða tveir hörkuleikir í Grill 66-deild kvenna þar sem þrjú efstu liðin verða í eldlínunni.
Powerade-bikarinn, 8-liða úrslit karla:
TM-höllin: Stjarnan – Valur, kl. 19.30 – sýndur á RÚV2.
Grill 66-deild kvenna:
Skógarsel: ÍR – Víkingur, kl. 19.30.
Varmá: Afturelding – Grótta, kl. 19.30.
Staðan í Grill 66-deild kvenna.
