- Oddur Gretarsson skoraði níu mörk, þar af tvö úr vítaköstum, þegar Balingen-Weilstetten vann Grosswallstadt, 32:26, á útivelli í þýsku 2. deildinni í gær. Daníel Þór Ingason skoraði fjögur mörk og gaf tvær stoðsendingar fyrir Balingenliðið sem er eftir sem áður í efsta sæti með 38 stig eftir 23 leiki. Eisenach er í öðru sæti með 34 stig.
- Örn Vésteinsson Östenberg skoraði ekki fyrir TuS N-Lübbecke þegar liðið vann Elbflorenz, 36:34, í 2. deild þýska handknattleiksins í gær. Leikið var í Dresden. TuS N-Lübbecke er í þriðja sæti með 33 stig.
- Sveinn Andri Sveinsson var ekki í leikmannhópi Empor Rostock í gær þegar liðið tapaði fyrir HC Motor í þýsku 2. deildinni, 31:30. Leikurinn fór fram í Rostock. Roland Eradze er aðstoðarþjálfari HC Motor og Savukynas Gintaras fyrrverandi leikmaður Aftureldingar er þjálfari HC Motor semer í 17. sæti með 15 stig. Empor Rostock er í 19. og næst neðsta sæti með 10 stig.
- Viktor Gísli Hallgrímsson stóð í marki Nantes í síðari hálfleik í gær í sigurleik á US Ivry, 36:32, þegar liðin mættust í París. Viktor Gísli varði 5 skot, 29%. Nantes er í þriðja sæti deildarinnar með 30 stig eftir 18 leiki, er tveimur stigum á eftir Montpellier og PSG. US Ivry er næst neðst með átta stig.
- Elvar Ásgeirsson skoraði sex mörk og gaf fjórar stoðsendingar þegar lið hans Ribe-Esbjerg tapaði fyrir meisturum GOG á heimavelli í dönsku úrvalsdeildinni í handknattleik í gær, 40:31. Arnar Birkir Hálfdánsson skoraði tvisvar fyrir Ribe-Esbjerg. Ágúst Elí Björgvinsson stóð hluta leiksins á milli stanganna í marki Ribe-Esbjerg. Hann varði fjögur skot, 13%. Ribe-Esbjerg er í níunda sæti þegar fimm umferðir eru eftir af deildarkeppninni.
- Sunna Guðrún Pétursdóttir varði 12 skot, þar af eitt vítakast, þegar lið hennar, GC Amicitia Zürich, tapaði á heimavelli fyrir LC Brühl Handball, 34:26, í svissnesku A-deildinni í handknattleik í gær. Harpa Rut Jónsdóttir skoraði tvö mörk fyrir GC Amicitia Zürich sem er í sjötta sæti í efri hluta deildarkeppninnar sem nú hefur verið skipt í tvo hluta.