Ungmennalið KA kom í veg fyrir að Selfyssingar færu heim með fullt hús stiga frá Akureyri í kvöld. Ungmennin unnu ungmennin af Selfossi með fimm marka mun, 31:26, í þriðja og síðasta leik handknattleik liða Selfoss í KA-heimilinu en fyrr í dag hafði kvennalið félagsins lagt KA/Þór í Olísdeild kvenna og karlaliðið unnið KA í Olísdeild karla.
KA ungmennin voru marki yfir í hálfleik, 14:13. Í jöfnum leik þá var KA-liðið sterkara á endasprettinum. Fjórtán mínútum fyrir leikslok var forskotið þó aðeins eitt mark.
Með sigrinum skaut KA U upp í sjötta sætið en Selfoss er áfram í áttunda sæti af þeim 10 liðum sem skráð eru til leiks í Grill 66-deild karla.
Nokkrir af leikmönnum beggja liða tóku einnig þátt í viðureign A-liðanna síðdegis.
Staðan í Grill 66-deild karla.
Mörk KA U.: Arnór Ísak Haddsson 8, Haraldur Bolli Heimisson 8, Logi Gautason 5, Kristján Gunnþórsson 4, Ísak Óli Eggertsson 3, Ernir Elí Ellertsson 2, Hugi Elmarsson 1.
Varin skot: Bruno Bernat 27.
Mörk Selfoss: Sæþór Atlason 5, Hans Jörgen Ólafsson 5, Tryggvi Sigurberg Traustason 5, Gunnar Kári Bragason 2, Anton Breki Hjaltason 2, Vilhelm Freyr Steindórsson 2, Árni Ísleifsson 2, Haukur Páll Hallgrímsson 1, Gunnar Flosi Grétarsson 1, Alexander Hrafnkelsson 1.
Varin skot: Alexander Hrafnkelsson 16.
