Þríeykið í Handboltinn okkar gaf út nýjan þátt í gær en í þættinum fóru þeir félagar yfir leiki Íslands á HM fram til þessa auk þess sem þeir rýndu aðeins í milliriðlakeppnina. Þá fóru þeir yfir leikina sem fóru fram í Olísdeild kvenna um helgina ásamt því að velja þá leikmenn sem koma til greina sem BK leikmaður 4. umferðar í Olísdeild kvenna. Þær fjórar sem koma til greina í því vali eru þær: Ragnheiður Júlíusdóttir (Fram), Matea Lonac (KA/Þór), Elna Ólöf Guðjónsdóttir (HK) og Lovísa Thompson (Val) linkinn inná kosninguna má finna hér.
Þá kvöddu þeir félagar Atla Rúnar Steinþórsson sem hefur verið með þeim í þáttunum til þessa en hann hefur ákveðið að taka fram skóna með Stjörnunni í Olísdeild karla og hann mun því ekki geta verið með þeim félögum í þættinum það sem eftir er vetrar.
