Handknattleikskonan Unnur Ómarsdóttir tekur ekki þátt í fleiri leikjum með KA/Þór á keppnistímabilinu. Akureyri.net segir frá í dag að Unnur sé ólétt og eigi von á sér í september.
Þar með er komin skýring á að hún hefur ekki tekið þátt í undanförnum leikjum KA/Þórsliðsins en talið var að hin þrautreynda landsliðskona væri fjarverandi vegna meiðsla.
Eiginmaður Unnar er handboltamaðurinn Einar Rafn Eiðsson, leikmaður KA og markahæsti leikmaður Olísdeildar karla um þessar mundir. Unnur og Einar Rafn eiga eina dóttur, Móeiði.
KA/Þór situr í fimmta sæti Olísdeildar kvenna með 12 stig að loknum 17 leikjum og á sæti í úrslitakeppninni víst. Unnur hefur skorað 36 mörk í 12 leikjum í deildinni.
Frétt Akureyri.net: Unnur er ólétt og spilar því ekki meira í vetur
