- Auglýsing -
- Króatarnir Matija Gubica og Boris Milosevic dæma viðureign Tékklands og Íslands í undankeppni EM í handknattleik karla í Brno í Tékklandi í kvöld. Eftirlitsmaður verður Christian Kaschütz frá Austurríki. Viðureignin hefst í Brno klukkan 19.15.
- Torsten Jansen hefur framlengt samning sinn um þjálfun þýska liðsins HSV Hamburg til ársins 2025. Sama hefur aðstoðarmaður Jansen gert, Blazenko Lackovic. Jansen tók við þjálfun HSV Hamburg árið 2017 þegar liðið var í 3. deild eftir að hafa orðið gjaldþrota nokkrum árum áður. Hann hefur fest liðið í sessi í hóp betri liða 1. deildarinnar en það er nú að leika í deildinni annað tímabilið í röð.
- Gabriela Moreschi landsliðsmarkvörður Brasilíu hefur framlengt samninginn við þýska meistaraliðið SG BBM Bietigheim til tveggja ára. Moreschi kom til þýska liðsins sumarið 2021.
- Úkraínumaðurinn Ihor Turchenko sem farið hefur á kostum með HC Motor á leiktíðinni gengur í sumar til liðs við franska 1. deildarliðið Limoges. Turchenko er markahæstur bæði í Evrópudeildinni og í þýsku 2. deildinni.
- Auglýsing -
