- Auglýsing -
- Kyndill undir stjórn Jakobs Lárussonar vann VÍF í keppnishöllinni í Vestmanna í gær, 26:21, í úrvalsdeild kvenna í Færeyjum, 26:21. Kyndill heldur þar með öðru sæti deildarinnar níu stigum á eftir H71 sem hefur sem fyrr talsverða yfirburði í deildinni.
- Egill Már Hjartarson skoraði sex mörk fyrir StÍF í þriggja marka sigri liðsins á Neistanum, 32:29, í færeysku úrvalsdeildinni í handknattleik í gær. Leikið var í Höllinni á Skála. Með sigrinum komst StÍF upp fyrir Neistann og í 5. sæti deildarinnar með 15 stig eftir 16 leiki. VÍF frá Vestmanna er efst með 26 stig, er sex stigum á undan KÍF frá Kollafirði.
- Sveinn Andri Sveinsson fagnaði langþráðum sigri með samherjum sínum í Empor Rostock í gær þegar þeir lögðu Wölfe Würzburg, 26:23, á heimvelli í þýsku 2. deildinni í handknattleik. Sveinn Andri skoraði tvö mörk í leiknum og var einu sinni vísað af leikvelli. Empor Rostock er næst neðst í deildinni með 12 stig eftir 24 leiki.
- Katrín Tinna Jensdóttir og Rakel Sara Elvarsdóttir skoruðu tvö mörk hvor og Dara Björg Guðmundsdóttir eitt mark þegar lið þeirra, Volda, tapaði fyrir Molde, 38:21, í norsku úrvalsdeildinni í handknattleik í gær. Leikið var í Molde Arena.
- Volda rekur lestina í deildinni með fjögur stig eftir 19 leiki, er sex stigum á eftir Aker. Ekki er útilokað að Volda haldi sæti sínu í deildinni þótt það reki lestina þegar upp verður staðið í vor. Fyrir dyrum stendur að fjölga liðum í norsku úrvalsdeildinni á næstu leiktíð. Volda tekur þátt í umspil um sæti í úrvalsdeildinni við lið um næsta efstu deild. Halldór Stefán Haraldsson þjálfar Volda út leiktíðina en flytur heim í sumar og tekur við þjálfun karlaliðs KA.
- Danski landsliðsmarkvörðurinn Niklas Landin hefur verið valinn íþróttamaður ársins í Kiel-borg í Þýskalandi fjórða árið í röð.
- Auglýsing -
