Komust í tæri við píramídana á Giza-sléttunni – myndir

Íslensku landsliðsmennirnir, þjálfarar og starfsmenn nutu veðurblíðunnar fyrri hluta dagsins eftir átökin við Frakka á heimsmeistaramótinu í Egyptalandi í gærkvöld. Þeim gafst kostur að komast nær pírmídunum á Giza-sléttunni er þeim var boðið í stutta ferð til þess að berja þessu mörg þúsund ára undur augum.

Þegar líður á daginn tekur við meiri alvara. Undirbúningur fyrir lokaleikinn á mótinu, gegn Noregi, sem hefst klukkan 17 á morgun.

Meðfylgjandi eru nokkrar myndir frá ferð landsliðshópsins að píramídunum fyrir hádegið í dag.