Miðasala er hafin á viðureign Íslands og Eistlands í Laugardalshöll 30. apríl sem verður síðasta leikur landsliðsins í undankeppni EM 2024. Þetta kemur fram í tilkynningu frá Handknattleikssambandi Íslands í hádeginu þegar opnaði fyrir miðasölu á vefsíðu Tix.is.
Uppselt var á síðasta heimaleik íslenska landsliðsins í undankeppninni nokkrum dögum áður en flautað var til leiks. Þess vegna er ekki úr vegi fyrir þá sem vilja taka þátt í gleðinni í Laugardalshöll 30. apríl að tryggja sér fyrr en síðar miða á leikinn við Eistland áður en síðustu miðarnir renna út hjá Tix.is.
Hér er hægt að tryggja sér mið hjá Tix.is.
Íslenska landsliðið er í efsta sæti í 3. riðli undankeppninnar að loknum fjórum umferðum af sex. Áður en kemur að leiknum við Eistlendinga í Laugardalshöll 30. apríl mætir íslenska landsliðið Ísraelsmönnum í Tel Aviv 27. apríl.
