Skarphéðinn Ívar Einarsson hefur gert nýjan tveggja ára samning við handknattleiksdeild KA og er nú samningsbundinn félaginu fram á vorið 2025.
Skarphéðinn Ívar er sautján ára og hefur verið í stóru hlutverki í meistaraflokksliði KA á leiktíðinni. Hann hefur einnig átt sæti í yngri landsliðum Íslands og tekið þátt í Evrópumótum undanfarin tvö sumur. Á yfirstandandi keppnistímabili hefur Skarphéðinn Ívar skoraði 35 mörk í Olísdeildinni í 19 leikjum.
„Þá hlaut hann einnig Böggubikarinn hjá KA á 94 ára afmælisfögnuði félagsins í janúar mánuði 2022 en Böggubikarinn hlýtur einn piltur og ein stúlka sem þykja efnileg í sinni grein en ekki síður mjög sterk félagslega. Einstaklingum sem eru til fyrirmyndar á æfingum og í keppnum og eru bæði jákvæð og hvetjandi,“ segir í tilkynningu frá handknattleiksdeild KA.