Síðasta umferð Olísdeildar kvenna í handknattleik fer fram í dag. Niðurstaðan af keppni vetrarins liggur að mestu fyrir. Aðeins á eftir að gera út um það hvort KA/Þór eða Haukar hreppa fimmta eða sjötta sætið. Annað er nokkuð skýrt.
ÍBV varð deildarmeistari um síðustu helgi. Valur verður í öðru sæti og situr yfir ásamt ÍBV í fyrstu umferð úrslitakeppninnar þegar hún hefst eftir miðjan apríl. Stjarnan á þriðja sætið víst og Íslands- og deildarmeistarar síðasta árs, Fram, hreppa fjórða sætið. HK er fallið í Grill 66-deildina og Selfoss tekur þátt í umspili um sæti í Olísdeildinni.
Kapphlaup Hauka og Gróttu
Áfram reyna karlarnir með sér í Olísdeildinni í dag og ljúka 20. umferð sem hófst í gærkvöld. Gróttumenn halda í vonina um áttunda sætið. Þeir fá ÍBV í heimsókn. Haukar sækja Valsmenn heim og horfa örugglega til að fá stig úr þeirri heimsókn, hver sem niðurstaðan verður í uppgjörinu í Hertzhöllinni.
Leikir dagsins
Olísdeild karla:
Hertzhöllin: Grótta – ÍBV, kl. 14 – sýndur á Stöð2sport.
Origohöllin: Valur – Haukar, kl. 18 – sýndur á Stöð2sport.
Úlfarsárdalur: Fram – Hörður, kl. 18.15 – sýndur á Framtv.
Staðan í Olísdeildum karla og kvenna.
Olísdeild kvenna, 21. og síðasta umferð:
Úlfarsárdalur: Fram – ÍBV, kl. 16 – sýndur á Framtv.
Ásvellir: Haukar – HK, kl. 16 – sýndur á Haukartv.
Sethöllin: Selfoss – Stjarnan, kl. 16 – sýndur á Selfosstv.
Origohöllin: Valur – KA/Þór, kl. 16 – sýndur á Stöð2sport.
2. deild karla:
Varmá: Aftureldingu U – Fjölnir U, kl. 13.
Garður: Víður – Víkingur U, kl. 14.
Staðan í 2. deild karla.
