- Auglýsing -
Öxlin á Valþóri Atla Guðrúnarsyni, handknattleiksmanni Þórs, er enn mjög bólgin eftir að hann fór úr axlarlið í viðureign Vals og Þórs í Origohöllinni á Hlíðarenda á mánudagskvöldið.
Valþór Atli segir í samtali við akureyri.net í morgun að framhaldið sé óljóst og það muni ekki skýrast fyrr en bólgur hjaðni og hægt verði að mynda liðinn. Hann er þegar byrjaður í æfingum hjá sjúkraþjálfara.
Meiðsli Valþórs Atla er mikið áfall fyrir nýliða Þórs og hann sjálfan enda ekki í fyrsta skipti sem hann fer úr axlarlið auk þess sem Valþór Atli er einn reyndasti leikmaður Þórsliðsins.
- Auglýsing -
