Japanski handknattleiksmaðurinn Suguru Hikawa leikur ekki áfram með Herði frá Ísafirði. Félagið sagði frá brottför Hikawa í dag. Hann hefur leikið með liði Ísfirðinga undanfarin tvö tímabil og getið sér gott orð, utan vallar sem innan. M.a. var Hikawa markahæsti leikmaður Harðar í Grill 66-deildinni í leiktíðina 2021/2022 þegar Hörður vann deildina.
Hikawa skoraði 81 mörk í 21 leik í Olísdeildinni sem lauk á dögunum. Samanlagt skoraði hann 183 mörk á tveimur keppnistímabilum.
Hikawa er annar leikmaður Harðar sem rær á ný mið eftir að liðið féll úr Olísdeildinni. Fyrir skemmstu var lettneski landsliðsmarkvörðurinn Rolands Lebedevs kvaddur eftir fjögurra ára veru hjá félaginu.
Ekki kemur fram í tilkynningu Harðar hvert Hikawa fer nú en líklegt er að hann taki upp þráðinn í landi hinnar rísandi sólar.
