Undanúrslit í umspils Olísdeildar karla í handknattleik verða felld niður frá og með næsta keppnistímabili hljóti tillaga laganefndar brautargengi á þingi Handknattleikssambands Íslands sem fram er á sunnudaginn.
Samkvæmt tillögunni eiga liðin sem hafna í öðru og þriðja sæti í Grill 66-deildinn að mætast í allt að fimm leikja einvígi um að fylgja sigurliði deildarinnar upp í Olísdeild. Verði þar látið við sitja.
Undanfarin ár hefur verið leikið til undanúrslita í umspilinu. Hafa þær rimmur verið misjafanlega áhugaverðar og á stundum afar ójafnar. Í vetur voru til að mynda aðeins fimm aðallið félaga í Grill 66-deild karla. Eitt þeirra vann aðeins einn leik og komst engu að síður í þá stöðu að leika um sæti í Olísdeildinni.
Með breytingunni vill laganefnd einfalda umspilið og fækka leikjum sem virðast á tíðum ekki hafa mikinn tilgang heldur fremur til þess fallnir að teygja lopann.
