- Íslendingaslagur verður í úrslitaleik umspils næst efstu deildar danska handknattleiksins í kvennaflokki í dag. EH Aalborg, með Andreu Jacobsen landsliðskonu innanborðs, fær Holstebro í heimsókn. Með Holstebro leikur Berta Rut Harðardóttir fyrrverandi leikmaður Hauka. Sigurlið leiksins í Nørresundby Idrætscenter í dag mætir neðsta liði umspils úrvalsdeildar, Ajax, í þriggja leikja einvígi um sæti í úrvalsdeildinni á næsta keppnistímabili.
- Jakob Lárusson þjálfari Kyndils og liðskonur mæta í kvöld H71 í fyrsta úrslitaleiknum um færeyska meistaratitilinn í handknattleik kvenna í kvöld í Hoyvíkshøllini. Vinna þarf þrjá leiki til þess að vinna meistaratitilinn. H71 á titil að verja en liðið hefur haft nokkra yfirburði í kvennahandknattleik í Færeyjum á síðustu árum.
- Jonathan Carlsbogård hefur verið valinn handknattleiksmaður tímabilsins 2022/2023 í Svíþjóð. Carlsbogård, sem er 28 ára gamall frá Kärra hefur leikið afar vel með Barcelona og sænska landsliðinu á tímabilinu. Hann gekk til liðs við Barcelona á síðasta sumri eftir að hafa gert það gott hjá Lemgo í Þýskalandi.
- Staðfestur var í gær grunur um að þýsku landsliðsmaðurinn Paul Drux sleit krossband í viðureign Þýskalands og Svíþjóðar í EHF-bikarnum í Kristianstad í fyrrakvöld. Hann verður frá keppni næstu mánuði sem eru slæm tíðindi fyrir félagslið hans, Füchse Berlin, sem er efst í þýsku 1. deildinni og í harðri keppni um að ná í sinn fyrsta meistaratitil í þýska handknattleiknum.
- Auglýsing -