Ásdís og Hanna í ham

Ungmennalið Vals vann ÍR, 22:19, í Grill 66-deild kvenna í handknattleik í Origohöllinni við Hlíðarenda í kvöld og heldur þar með þriðja sæti deildarinnar með sex stig eftir fimm leiki. Liðið er jafnt Aftureldingu að stigum sem vann ungmennalið HK í dag, 27:24, að Varmá.

Valur var með yfirhöndina frá upphafi til enda leiksins við ÍR. Í hálfleik var einnig þriggja marka munur, 10:7, þegar gengið var til búningsklefa til skrafs og ráðagerða.
Ásdís Þóra Ágústsdóttir og Hanna Karen Ólafsdóttir voru atkvæðamestar hjá Val með sjö mörk hvor.
ÍR-liðið situr í áttunda sæti deildarinnar með tvö stig eftir fimm viðureignir.

Mörk Vals: Ásdís Þóra Ágústsdóttir 7, Hanna Karen Ólafsdóttir 7, Ída Margrét Stefánsdóttir 3, Karlotta Óskarsdóttir 2, Guðlaug Embla Hjartardóttir 1, Hafdís Hera Arnþórsdóttir 1, Vala Magnúsdóttir 1.
Signý Pála Pálsdóttir varði 10 skot í mark Vals.

Mörk ÍR: Laufey Lára Höskuldsdóttir 3, Ólöf Marín Hlynsdóttir 3, Birta Líf Haraldsdóttir 2, Anna María Aðalsteinsdóttir 2, Guðrún Maryam Rayadh 2, Fanney Ösp Finnsdóttir 2, Auður Margrét Pálsdóttir 1, Adda Sólbjört Högnadóttir 1, Dagbjört Ýr Ólafsdóttir 1, Sylvia Jónsdóttir 1, Stefanía Ósk Hafberg 1.

Ekki hefur borist leiksskýrsla frá Aftureldingu.