- Auglýsing -
- Línumaðurinn Guðrún Þorláksdóttir hefur gert nýjan tveggja ára samning við Handknattleiksdeild Gróttu. Guðrún er þrautreynd og hefur leikið um 130 leiki fyrir Gróttu síðan hún kom inn í meistaraflokksliðið tímabilið 2016/2017.
- Eyrún Ósk Hjartardóttir hefur skrifað undir nýjan samning við Fjölni um að leika með liðinu áfram í Grill 66-deild kvenna á næsta keppnistímabili. Eyrún Ósk er fjórði leikmaður liðsins sem endurnýjar samning sinn við félagið á skömmum tíma.
- Bergþór Róbertsson hefur framlengt samningnum sínum við handknattleiksdeild ÍR. Bergþór getur jafnt leikið sem miðjumaður og skytta. ÍR-ingar leika í Grill 66-deildinni á næstu leiktíð.
- Danski hornamaðurinn Casper Mortensen er lang markahæstur í þýsku 1. deildinni í handknattleik karla. Hann hefur átt frábært tímabil með HSV Hamburg og skorað 217 mörk. Næstur er þýski landsliðsmaðurinn Juri Knorr hjá Rhein-Neckar Löwen með 188 mörk. Þrjár umferðir eru eftir óleiknar í þýsku 1. deildinni og virðist fátt geta komið í veg fyrir að Dani verði markahæstir leikmaður deildarinnar annað árið í röð. Hans Lindberg varð markahæstur á síðustu leiktíð.
- Af Íslendingum er Gísli Þorgeir Kristjánsson leikmaður SC Magdeburg markahæstur. Hann hefur skorað 147 mörk í 7. sæti. Viggó Kristjánsson, Leipzig, er í 11. sæti með 135 mörk. Báðir eru meiddir og skora því miður ekki fleiri mörk á keppnistímabilinu.
- Merle Carstensen leikmaður Oldenburg er markahæst í 1. deild kvenna í Þýskalandi. Hún hefur skorað 160 mörk og er mark á undan Toni-Luisa Reinemann liðsfélaga sínum hjá Oldenburg. Ungstirnið Viola Leuchter hjá Leverkusen er þriðja markahæst með 153 mörk. Leuchter er 18 ára gömul og þykir mikið efni.
- Af Íslendingunum tveimur í þýsku 1. deild kvenna er Díana Dögg Magnúsdóttir hjá BSV Sachsen Zwickau í 28. sæti með 102 mörk. Sandra Erlingsdóttir, TuS Metzingen, er í 103. sæti með 39 mörk.
- Auglýsing -
