Katrín Scheving og Lilja Hrund Stefánsdóttir hafa skrifað undir nýja tveggja ára samninga við handknattleiksdeild Gróttu. Báðar eru þær fæddar árið 2005 og eru uppaldar hjá félaginu.
Katrín er fjölhæfur leikmaður en hún getur bæði leikið sem hornamaður en líka sem útispilari. Hún skoraði 30 mörk í vetur í Grill 66-deildinni. Lilja Hrund leikur sem vinstri hornamaður og skoraði 34 mörk í vetur. Báðar eru þær enn gjaldgengar í 3. flokk félagsins á næstu leiktíð.
Mikilvægt að halda þeim
„Það er mikilvægt fyrir okkur að Katrín og Lilja Hrund verði áfram í herbúðum okkar enda framtíðarleikmenn. Þær hafa sýnt með góðri frammistöðu hversu megnugar þær eru. Ég hlakka mikið til að halda áfram að vinna með þeim,“ sagði Sigurjón Friðbjörn Björnsson þjálfari Gróttu í tilkynningu frá félaginu.
