Fjórði í röð hjá Gróttu

Grótta vann sinn fjórða leik í röð í Grill 66-deild kvenna í dag þegar liðið lagði Fjölni-Fylki í Fylkishöllinni, 28:20, eftir að hafa verið tveimur mörkum yfir að loknum fyrri hálfleik, 15:13.

Gróttu var með frumkvæðið í fremur jöfnum fyrri hálfleik. Vörn liðsins var hinsvegar afar góð í síðari hálfleik. Fjölnir-Fylkir náði aðeins að skora sjö mörk. Munurinn jókst eftir því á leið hálfleikinn og heimaliðið átti fá svör.
Grótta er í öðru sæti deildarinnar með 10 stig að loknum sjö leikjum og er tveimur stigum á eftir ungmennaliði Fram. Fjölnir-Fylkir er í sjötta sæti með fjögur stig eftir sex leiki.

Mörk Fjölnis-Fylkis: Anna Karen Jónsdóttir 7, Azra Cosic 3, Katrín Erla Kjartansdóttir 3, Kolbrún Anna Garðarsdóttir 2, Kristín Lísa Friðriksdóttir 2, Eyrún Ósk Hjartardóttir 1, Sara Björg Davíðsdóttir 1, Ada Kosicka 1.
Mörk Gróttu: Katrín Helga Sigurbergsdóttir 6, Katrín Anna Ásmundsdóttir 6, Helga Guðrún Sigurðardóttir 4, Ágústa Huld Gunnarsdóttir 3, Tinna Valgerður Gísladóttir 2, Anna Lára Davíðsdóttir 2, Rut Bernódusdóttir 2, Valgerður Helga Ísaksdóttir 1, Steinunn Guðjónsdóttir 1, Edda Steingrímsdóttir 1.