- Auglýsing -
Handknattleiksdeild Vals hefur samið við Björgvin Pál Gústavsson til fimm ára. Hann gengur til liðs við félagið í sumar og mun hann leika með liðinu að minnsta kosti út tímabilið 2026. Frá þessu er greint á Facebook-síðu handknattleiksdeildar Vals.
Björgvin Páll mun einnig koma inn í þjálfarateymi meistaraflokks karla, eftir því sem segir í yfirlýsingunni.
Fregnin um komu Björgvins til Vals kemur vart í opna skjöldu eftir að Haukar greindu frá því í gærkvöld að Björgvin Páll hafi ákveðið að nýta sér ákvæði í samningi sínum við félagið og róa á ný mið eftir yfirstandandi leiktíð.
Björgvin Páll hefur leikið 236 landsleiki og skorað í þeim 16 mörk. Auk Hauka hefur Björgvin Páll leikið með HK, ÍBV og Fram, einnig Kadetten Schaffhausen, Bittenfeld, Magdeburg, Bergischer HC og Skjern.
- Auglýsing -
