Heimilt að allt að 200 megi koma á kappleiki

Frá og með morgundeginum mega allt að 200 áhorfendur koma á kappleiki í íþróttum, þar á meðal í handknattleik. Þetta kemur fram í nýrri reglugerð Svandísar Svavarsdóttur, heilbrigðisráðherra, sem tekur gildi á morgun. Svandis greindi frá helstu tilslökunum á samkomutakmörkunum eftir ríkisstjórnarfund skömmu fyrir hádegið.

„Fólk þarf þó að geta setið í sæt­um, upp­lýs­ing­ar þurfa að vera til staðar um hvern og einn, auk þess sem einn metri þarf að vera á milli óskyldra aðila. Einnig skal fólk nota grím­ur. Ef ekki er hægt að fram­fylgja þessu gild­ir 50 manna fjölda­tak­mörk­un­in,“ segir í frétt mbl.is.

Áfram verður tveggja metra reglan í gildi í almennum samskiptum.

Ný reglugerði ráðherra hefur ekki ennþá verið birt.