Hörður óskar eftir aðstoð vegna komu leikmanna

Þrír úkraínskir handknattleiksmenn hafa gengið til liðs við Hörð á Ísafirði. Þeir stefna á að leika með liðinu í Grill 66-deildinni í vetur. Úkraínumennirnir bætast í hópinn með þremur handknattleiksmönnum frá Lettlandi auk Japanans Kenya Kasahara sem mættur er til leiks eftir veru í Póllandi á síðustu leiktíð.

Formaður handknattleiksdeildar Harðar, Vigdís Pála Halldórsdóttir, óskar eftir aðstoð almennings vegna ýmissa hluta sem deildina vantar til þess að auðvelda Úkraínumönnunum veruna.

Þeir sem geta aðstoðað hafi samband við Vigdísi Pálu eða Hörður – handknattleiksdeild á Facebook.

Tengdar fréttir:
Grill 66-deild karla.

Leikjadagskrá Grill 66-deildanna.