HK-liðið hefur verið á sigurbraut um nokkurt skeið í Grill 66-deild karla í handknattleik. Á því varð engin breyting í kvöld þegar HK mætti Fjölni í Kórnum. Eftir jafnan fyrri hálfleik þá skildu leiði í síðari hálfleik og Kópvogsliðið vann öruggan tíu marka sigur, 31:21, en það hefur unnið nokkra leiki upp á síðkastið með miklum mun.
HK, sem Elías Már Halldórsson þjálfar, er þar með áfram í öðru sæti deildarinnar með 18 stig eftir 11 leiki, er tveimur stigum á etir Víkingum sem tróna á topppnum. Liðið mætast í næstu umferð í Víkinni á fimmtudagskvöldið klukkan 19.30.
Fjölnir hefur að öllum líkindum stumplað sig út úr baráttunni um efsta sæti deildarinnar með þessu tapi. Fjölnir er nú sex stigum á eftir Víkingi.
Mörk HK: Kristján Ottó Hjálmsson 5, Hjörtur Ingi Halldórsson 4, Kristján Pétur Barðason 4, Einar Bragi Aðalsteinsson 4, Kristófer Andri Daðason 3, Kári Tómas Hauksson 3, Sigurður Jefferson Gurarino 3, Símon Michael Guðjónsson 3, Sigurjón Guðmundsson 1, Sigurvin Jarl Ármannsson 1.
Mörk Fjölnis: Elvar Otri Hjálmarsson 7, Goði Ingvar Sveinsson 4, Jón Bald Freysson 3, Alex Máni Oddnýjarson 2, Jónas Eyjólfur Jónasson 2, Viktor Berg Grétarsson 2, Alex Hreinn Hilmisson 1.
Staðan í Grill 66-deild karla.
