Þýska liðið Rhein-Neckar Löwen með Arnór Snæ Óskarsson og Ými Örn Gíslason innanborðs, leikur í A-riðli Evrópudeildarinnar í handknattleik í næsta mánuði þegar keppni hefst. Rhein-Neckar Löwen vann Vardar öðru sinni í dag, 37:33, í síðari viðureign liðanna í undankeppninni. Rhein-Neckar Löwen vann fyrri leikinn með níu marka mun svo samanlagður sigur var afar öruggur.
Ýmir Örn skoraði tvö mörk í leiknum gegn Vardar í dag. Arnór Snær skoraði ekki mark en átti markskot sem missti marks.
Í hinum leik dagsins í undankeppninni vann svissneska liði Pfadi Winterhur liðsmenn Aguas Santas Milaneza frá Portúgal, 22:19, í Winterthur í Sviss í dag. Samanlagður sigur svissneska liðsins var eitt mark, 44:43.
Í gær komust Hannover-Burgdorf, CSM Constanta og ABC de Braga áfram. Átta félög með Íslendinga innanborðs taka þátt í riðlakeppni Evrópudeildarinnar en riðlaskiptinguna er að finna neðst í þessari grein.
Fyrirkomulagi keppninnar hefur verið breytt frá síðasta keppnistímabili. Í stað fjögurra riðla með sex liðum í hverjum verður leikið í átta riðlum með fjórum liðum í hverjum á næsta keppnistímabili sem hefst 17. október og lýkur 5. desember.
Riðlaskipting Evrópudeildar karla:
| A-riðill: | E-riðill: |
| HCB Nantes* | Kadetten Schaffhausen* |
| IFK Kristianstad | Elverum |
| Benfica* | Flensburg* |
| RN-Löwen* | HC Lovcen-Cetinje |
| B-riðill: | F-riðill: |
| Górnik Zabrze | Bjerringbro/Silkeborg |
| AEK Aþena | HC Alkaloid |
| Kriens-Luzern | BM Logroño La Rijoja |
| Hannover- Burgdorf* | HC Vojvodina |
| C-riðilll: | G-riðill: |
| Balonmano Cuenca | Füchse Berlin |
| Gorenje Velenje | Dinamo Bucaresti |
| IFK Sävehof* | Chambéry |
| P.Winterthur | RK Izvidac |
| D-riðill: | H-riðill: |
| RK Nexe | Sporting* |
| MSK Povazja Bystrica | Tatabánya |
| Skjern | Chrobry Glogow |
| ABC Braga | CSM Constanta |
