Fram tryggði sér tvö mikilvæg stig í upphafsleik sínum í Olísdeild karla í handknattleik í Úlfarsárdal í kvöld þegar Gróttumenn komu í heimsókn, 26:25. Auk nokkurra breytinga á Framliðinu í sumar þá eru nokkrir leikmenn fjarverandi vegna meiðsla. Talsvert púsluspil þurfti til hjá Einari Jónssyni, þjálfara, að koma öllu heim og saman. Þess vegna er væntanlega fargi af honum létt þótt sigurinn hafi verið naumur.
Grótta var tveimur mörkum yfir í hálfleik, 10:8. Heimaliðið sótti í sig veðrið í síðari hálfleik og komst fimm mörkum yfir áður Gróttumenn saumuðu að gestgjöfunum undir lokin.
Valur vann stórsigur á nýliðum Víkings, 35:26, í Origohöllinni í þriðja leiknum í Olísdeild karla sem fram fór í 1. umferð í kvöld. Víkingar náðu að halda í við Val framan af í fyrri hálfleik áður en leiðir skildu. Staðan í hálfleik var 17:10, Val í vil.
Annað kvöld verður einn leikur í Olísdeild karla. HK og Haukar mætast í Kórnum í Kópavogi klukkan 19.30.
Úrslit, markaskor, varin skot
Fram – Grótta 26:25 (8:10).
Mörk Fram: Rúnar Kárason 7/1, Ívar Logi Styrmisson 5, Dagur Fannar Möller 3, Þorsteinn Gauti Hjálmarsson 3, Tryggvi Garðar Jónsson 2, Reynir Þór Stefánsson2, Eiður Rafn Valsson 2, Magnús Öder Einarsson 1, Marko Coric 1.
Varin skot: Arnór Máni Daðason 14, 36,8% – Lárus Helgi Ólafsson 0.
Mörk Gróttu: Ágúst Ingi Óskarsson 7, Jakob Ingi Stefánsson 5, Ari Pétur Eiríksson 3, Elvar Otri Hjálmarsson 3, Ágúst Emil Grétarsson 2, Hannes Grimm 2, Antoine Óskar Pantano 1, Jón Ómar Gíslason 1, Ólafur Brim Stefánsson 1.
Varin skot: Einar Baldvin Baldvinsson 17, 40,5%, þar af 14 í fyrri hálfleik.
Valur – Víkingur 35:26 (17:10).
Mörk Vals: Benedikt Gunnar Óskarsson 8/5, Vignir Stefánsson 4, Allan Norðberg 4, Alexander Peterson 3, Tjörvi Týr Gíslason 3, Viktor Sigurðsson 3, Ísak Gústafsson 2, Úlfar Páll Monsi Þórðarson 2, Andri Finnsson 2, Magnús Óli Magnússon 2, Agnar Smári Jónsson 1.
Varin skot: Björgvin Páll Gústavsson 13, 36,1% – Arnar Þór Fylkisson 3, 50%.
Mörk Víkings: Stefán Scheving Guðmundsson 5, Styrmir Sigurðarson 4, Gunnar Valdimar Johnsen 3, Sigurður Páll Matthíasson 3, Þorfinnur Máni Björnsson 3, Arnar Steinn Arnarsson 3, Agnar Ingi Rúnarsson 2, Jóhann Reynir Gunnlaugsson 2, Igor Mrsulja 1.
Varin skot: Sverrir Andrésson 7/1, 21,9% Daníel Andri Valtýsson 1, 9,1%.
Staðan og næstu leikir í Olísdeild karla.
FH – Afturelding 30:28 (19:17).
Mörk FH: Jóhannes Berg Andrason 8, Einar Bragi Aðalsteinsson 8, Aron Pálmarsson 5, Jakob Martin Ásgeirsson 5, Jón Bjarni Ólafsson 2, Birgir Már Birgisson 1, Ásbjörn Friðriksson 1.
Varin skot: Daníel Freyr Andrésson 14, 34,1%.
Mörk Aftureldingar: Þorsteinn Leó Gunnarsson 9, Árni Bragi Eyjólfsson 7, Leó Snær Pétursson 4, Blær Hinriksson 3, Þorvaldur Tryggvason 2, Jakob Aronsson 1, Birgir Steinn Jónsson 1, Ihor Kopyshynskyi 1.
Varin skot: Jovan Kukobat 7/1, 30,4% – Brynjar Vignir Sigurjónsson 6, 31,6%.
