Sameiginlegt lið Fjölnis og Fylkis vann langþráðan sigur í dag í Grill 66-deild kvenna í handknattleik þegar lið Selfoss kom í heimsókn í Dalhús í Grafarvogi, lokatölur 20:17. Lið Fjölnis-Fylkis lagði grunn að sigrinum með afar góðri frammistöðu í fyrri hálfleik þegar það lék við hvern sinn fingur, ef svo má segja. Að honum loknum var forskotið átta mörk, 13:5.
Þrátt fyrir kröftuga mótspyrnu í síðari hálfleik tókst vængbrotnu liði Selfoss ekki að koma í veg fyrir tap og situr þar með áfram á botni deildarinnar með tvö stig. Fjölnir-Fylkir komst upp fyrir Víking í sjöunda sæti deildarinnar með sex stig eftir 11 leiki.
Mörk Fjölnis-Fylkis: Anna Karen Jónsdóttir 6, Azra Cosic 3, Ósk Hind Ómarsdóttir 3, Kolbrún Arna Garðarsdóttir 2, María Ósk Jónsdóttir 2, Ada Kozicka 2, Elsa Karen Þorvaldsdóttir Sæmundsen 1, Katrín Erla Kjartansdóttir 1.
Mörk Selfoss: Elsa Kristín Sigurðardóttir 4, Agnes Sigurðardóttir 2, Tinna Sigurrós Traustadóttir 2, Anna Kristín Einarsdóttir 2, Ivana Raikovic 2, Katla Björg Ómarsdóttir 2, Kristín Una Hólmarsdóttir 1, Elínborg Katla Þorbjörnsdóttir 1, Rakel Guðjónsdóttir 1.
Staðan í Grill 66-deild kvenna.
