KA/Þór og ÍBV mættust í upphafsleik Olísdeildar kvenna í handknattleik í KA-heimilinu í gær. Gestirnir frá Eyjum höfðu betur í leiknum svo munaði níu mörkum þegar upp var staðið, 29:20.
Nathalia Soares Baliana var markahæst hjá KA/Þór með fimm mörk og Lydía Gunnþórsdóttir var næst með fjögur. Birna Berg Haraldsdóttir skoraði átta mörk fyrir ÍBV-liðið og varð markahæst. Þar á eftir kom Sunna Jónsdóttir með fimm mörk.
Næsti leikur KA/Þórs verður gegn Íslandsmeisturum Vals í Origohöllinni á föstudagskvöld. Daginn eftir tekur ÍBV á móti Haukum í Íþróttamiðstöðinni í Vestmannaeyjum.
Egill Bjarni Friðjónsson ljósmyndari sendi handbolta.is myndir frá leiknum í KA-heimilinu. Nokkrar þeirra birtast hér fyrir neðan um leið og Agli er þakkað fyrir sendinguna.
Smellið á myndirnar til þess að sjá þær stærri.
Vandalítið hjá Val – úrslit og markaskor dagsins
