Tveir síðustu leikir annarrar umferðar Olísdeildar karla fara fram í kvöld á Seltjarnarnesi og í Safamýri. Einnig hefst önnur umferð Olísdeildar kvenna með heimsókn leikmanna KA/Þórs í Origohöll Valsara.
Nýliðar HK sækja Gróttumenn heim í Hertzhöllina klukkan 19.30. HK vann óvæntan en nauman sigur á Haukum á heimavelli fyrir viku. Daginn áður tapaði Grótta naumlega fyrir Fram, 26:25, í Úlfarsárdal.
Víkingar fá Íslandsmeistara ÍBV í heimsókn í Safamýri klukkan 19.30. Víkingar eru nýliðar í Olísdeildinni eins og HK-ingar. ÍBV lagði Stjörnuna í Mýrinni á laugardaginn í kaflaskiptum leik. Víkingur tapaði fyrir nágrönnum sínum í Val í fyrsta leikkvöld Olísdeildarinnar.
Leikir kvölsins
Olísdeild kvenna:
Origohöllin: Valur – KA/Þór kl. 19.15.
Olísdeild karla:
Safamýri: Víkingur – ÍBV, kl. 19.30.
Hertzhöllin: Grótta – HK, kl. 19.30.
Leikjadagskrá og staða Olísdeilda.
Allir leikir verða í beinni útsendingu á handboltarásum Símans.