Elín Klara Þorkelsdóttir fór hamförum í leiknum gegn Fram og skoraði helming marka Hauka þegar Haukar mættu í Úlfarsárdal og unnu Fram með fimm marka mun, 30:25, í síðasta leik 4. umferðar Olísdeildar kvenna í handknattleik í kvöld.
Fram hafði tveggja marka forskot að loknum fyrri hálfleik, 17:15.
Elín Klara skoraði 15 mörk og eins og gefur að skilja fengu Framarar ekkert við hana ráðið.
Með sigrinum færðust Haukar upp að hlið ÍBV í annað til þriðja sæti með sex stig að loknum fjórum leikjum, tveimur stigum á eftir Val sem trónir á toppnum, og tveimur stigum á undan Fram sem er í fjórða sæti með fjögur stig.
Mörk Fram: Alfa Brá Hagalín 8, Lena Margrét Valdimarsdóttir 6, Harpa María Friðgeirsdóttir 4, Þórey Rósa Stefánsdóttir 4, Berglind Þorsteinsdóttir 1, Kristrún Steinþórsdóttir 1, Elna Ólöf Guðjónsdóttir 1.
Varin skot: Ethel Gyða Bjarnasen 7, Andrea Gunnlaugsdóttir 2.
Mörk Hauka: Elín Klara Þorkelsdóttir 15, Sara Odden 6, Sonja Lind Sigsteinsdóttir 6, Ragnheiður Sveinsdóttir 2, Sara Odden 1.
Varin skot: Elísa Helga Sigurðardóttir 7, Margrét Einarssdóttir 1.
