Ungmennalið Vals vann Fjölni í fremur ójöfnum lokaleik 2. umferðar Grill 66-deildar kvenna í Origohöllinni í kvöld, 27:21, eftir að hafa verið átta mörkum yfir í hálfleik, 17:9. Þetta var fyrsti sigur Valsara í deildinni. Fjölnir er eitt fjögurra liða án stiga að loknum tveimur umferðum.
Leikmenn U17 ára landsliðs kvenna frá Evrópumótinu í ágúst voru áberandi í Valsliðinu í kvöld, Arna Karitas Eiríksdóttir, Ásthildur Jóna Þórhallsdóttir, Guðrún Hekla Traustadóttir og Ágústa Rún Jónasdóttir. Þær létu til sína taka enda hafa þær þegar bankað á dyr meistaraflokksliðsins sem leikur í Olísdeildinni.
Þriðja umferð Grill 66-deildar kvenna hefst á föstudaginn með tveimur leikjum. Grótta og Selfoss eigast við í toppslag í Hertzhöllinni og Fjölnir tekur á móti nýliðum Berserkja í Fjölnishöllinni.
Staðan og næstu leikir í Grill 66-deildunum.
Mörk Vals u.: Arna Karitas Eiríksdóttir 8, Ásthildur Jóna Þórhallsdóttir 6, Sara Lind Fróðadóttir 5, Guðrún Hekla Traustadóttir 3, Ágústa Rún Jónasdóttir 2, Kristbjörg Erlingsdóttir 2, Katla Margrét Óskarsdóttir 1.
Varin skot: Arna Sif Jónsdóttir 12.
Mörk Fjölnis: Sara Björg Davíðsdóttir 7, Eyrún Ósk Hjartardóttir 6, Wiktoria Elzbieta Piekarska 3, Telma Sól Bogadóttir 2, Díana Sif Gunnlaugsdóttir 2, Elsa Karen Sæmundsen 1.
Varin skot: Oddný Björg Stefánsdóttir 5, Þyrí Erla Sigurðardóttir 2.
Tengt efni:
