Selfoss vann öruggan sigur á Gróttu þegar tvö efstu lið Grill 66-deildar kvenna mættust í Hertzhöllinni á Seltjarnarnesi í kvöld, 32:26. Selfoss, sem hefur þar með unnið sér inn sex stig í þremur fyrstu leikjum deildarinnar, var með fimm marka forskot að loknum fyrri hálfleik, 18:13.
Í hinum leik kvöldsins í Grill 66-deild kvenna lagði Fjölnir liðsmenn Berserkja, 31:18, í Fjölnishöllinni. Staðan í hálfleik var 14:10 Fjölni í hag. Í síðari hálfleik var um einstefnu að ræða og Fjölnir náði þar með í sín fyrstu stig í deildinni en Berserkir verða að bíða um sinn eftir sínum fyrstu stigum.
Selfoss gaf ekkert eftir
Jafnræði var með Gróttu og Selfoss, sem bæði voru taplaus fyrir leikinn, fyrstu 20 mínúturnar í Hertzhöllinni. Selfoss skoraði fjögur mörk í röð og komst yfir, 14:10. Segja má þessi kafli hafi valdið vatnaskilum í leiknum. Sterkt lið Selfoss með landsliðskonur innanborðs, gaf ekki þumlung eftir.
Leikmenn Gróttu reyndu hvað þeir gátu en það dugði ekki til. Undir lokin lék heimaliðið mjög framliggjandi vörn með það að augnamiði að slá leikmenn Selfoss út af laginu. Allt kom fyrir ekki.
Staðan og næstu leikir í Grill 66-deildum.
Grótta – Selfoss 26:32 (13:18).
Mörk Gróttu: Ída Margrét Stefánsdóttir 9, Ólöf María Stefánsdóttir 4, Lilja Hrund Stefánsdóttir 3, Katrín Helga Sigurbergsdóttir 3, Rut Bernódusdóttir 3, Katrín Anna Ásmundsdóttir 2, Karlotta Óskarsdóttir 2.
Varin skot: Anna Karólína Ingadóttir 6, Soffía Steingrímsdóttir 3.
Mörk Selfoss: Katla María Magnúsdóttir 10, Harpa Valey Gylfadóttir 6, Arna Kristín Einarsdóttir 5, Perla Ruth Albertsdóttir 4, Elínborg Katla Þorbjörnsdóttir 3, Tinna Sigurrós Traustadóttir 3, Hulda Hrönn Bragadóttir 1.
Varin skot: Cornelia Hermansson 5, Ágústa Tanja Jóhannsdóttir 4.
Fjölnir – Berserkir 31:18 (14:10).
Mörk Fjölnis: Sara Björg Davíðsdóttir 10, Telma Sól Bogadóttir 6, Eyrún Ósk Hjartardóttir 6, Azra Cosic 2, Díana Sif Gunnlaugsdóttir 2, Wiktoria Elzbieta Piekarska 2, Elsa Karen Sæmundsen 1, Signý Harðardóttir 1, Unnur Vala Einarsdóttir 1.
Varin skot: Þyrí Erla Sigurðardóttir 17.
Mörk Berserkir: Jóhanna Helga Jensdóttir 4, Katrín Guðmundsdóttir 4, Jóna Sigríður Halldórsdóttir 3, Adda Sólbjört Högnadóttir 2, Anna Margrét Sigurðardóttir 2, Arna Sól Orradóttir 1, Thelma Dís Harðardóttir 1, Tanja Rut Hermansen 1.
Varin skot: Sandra Björk Ketilsdóttir 8.
Staðan og næstu leikir í Grill 66-deildum.
