Aftureldingar bíður ærið verkefni á næsta laugardag á heimavelli þegar þeir þurfa að gera gott betur en að vinna upp fimm marka tap eftir fyrri viðureignina við norska liðið Nærbø, 27:22, í Nærbø í nágrenni Stavangurs í dag. Leikurinn var liður í annarri umferð Evrópubikarkeppninnar í handknattleik karla.
Norska liðið var marki yfir í hálfleik 11:10, en réði síðan lögum og löfum í síðari hálfleik. Svo virðist vera sem sóknarleikurinn hafi brugðist Aftureldingar liðinu að þessu sinni.
Það koma tíma og ráð áður en síðari leikurinn fer fram að Varmá á laugardaginn. Ihor Kopyshynskyi og Þorsteinn Leó Gunnarsson voru markahæstir hjá Aftureldingu með fimm mörk hvor. Árni Bragi Eyjólfsson kom þar á eftir með fjögur mörk.
Tord Haugseng reyndist Aftureldingarliðinu erfiður. Hann skoraði 10 mörk úr 10 skotum. Heldur hann áfram að leika vel með Nærbø í Evrópubikarkeppninni en Haugseng hefur verið besti maður liðsins undanfarin tvö ár. Bæði árin hefur Nærbø komist í úrslit og m.a. staðið upp sem sigurvegari vorið 2022.
Halvor-Elias Nærland markvörður Nærbø var með 41% markvörslu.
Mörk Aftureldingar: Ihor Kopyshynskyi 5, Þorsteinn Leó Gunnarsson 5, Árni Bragi Eyjólfsson 4, Birgir Steinn Jónsson 2, Leó Snær Pétursson 2, Þorvaldur Tryggvason, Böðvar Páll Ásgeirsson 1, Birkir Benediktsson 1, Blær Hinriksson 1.
Varin skot: Brynjar Vignir Sigurjónsson 8, 34,7% – Jovan Kukobat 3, 25%.
