ÍH tyllti sér í efsta sæti 2. deildar karla í handknattleik í kvöld með sigri á harðsnúnu ungmennaliði Gróttu, 36:34, í Kaplakrika. Gróttumennirnir ungu voru tveimur mörkum yfir að loknum fyrri hálfleik, 17:15. Þeir máttu játa sig sigraða í lok síðari hálfleiks.
ÍH liðið hefur nú sex stig að loknum fjórum leikjum, er tveimur stigum á undan Selfossi sem er taplaust eftir tvo leiki í öðru sæti. Ungmennalið Selfoss vann ungmennalið Stjörnunnar á sunnudaginn, 41:32, í Sethöllinni á Selfossi. Gróttumenn töpuðu í fyrsta sinn í kvöld eftir að hafa krækt í tvo vinninga í tveimur fyrstu umferðunum.
Ari Magnús Þorgeirsson lét til sín taka hjá ÍH-liðinu í kvöld. Hann skoraði fjórðung markanna og virðist engu hafa gleymt. Ari Magnús gerði garðinn frægan hjá FH og síðar með Stjörnunni.
Unglingalandsliðsmaðurinn Antoine Óskar Pantano lét til sín taka hjá Gróttu og skoraði níu mörk. Ari Pétur Eiríksson skoraði sjö mörk.
Staðan og næstu leikir í 2. deild karla.
Mörk ÍH: Ari Magnús Þorgeirsson 9, Veigar Snær Sigurðsson 5, Róbert Karl Segatta 5, Arnar Freyr Ársælsson 4, Jóhann Birgir Ingvarsson 3, Sigurður Karel Bachmann 3, Benedikt Elvar Skarphéðinsson 2, Gísli Jörgen Gíslason 1, Gísli Hafþór Þórðarson 1, Þórarinn Þórarinsson 1, Hlynur Jóhannsson 1, Logi Aronsson 1.
Varin skot: Kristján Rafn Oddsson 8, Júlíus Freyr Bjarnason 4.
Mörk Gróttu U.: Antoine Óskar Pantano 9, Ari Pétur Eiríksson 7, Gísli Örn Alfreðsson 5, Kári Benediktsson 3, Kári Kvaran 3, Patrekur Sanko 3, Bessi Teitsson 2, Filip Andonov 1, Ásgeir Óli Kristjánsson 1.
Varin skot: Viðar Sigurjón Helgason 6, Viðar Sigurjón Helgason 2.
